Steinar Pedersen doarju luossareiveeaiggádiid ja luossabivdosearvvi stevdnema.
Steinar Pedersen doarju luossareiveeaiggádiid ja luossabivdosearvvi stevdnema.
Deanočázádaga Guolástanhálddahusa jođiheaddji Steinar Pedersen ádde bures manne Deanočáhcádaga luossareiveeaiggádat ja Deanočáhcádaga Luossabivdosearvi leat válljen stevdnet stáda.
– Dan in livčče dadjan jus in livčče dorjon, lohká son.
– Lea nu vearrás soahpamuš, ja leat vuoigatvuođalaččat gávnnahan ahte lea áidna vuohki movt sáhttet olahit áššis. Lea hui stuora oassi Deanuleagi ássiin geat leat dán stevdnema duogábeale, joatká son.
Juridihkalaš ossodat bargá áššiin
Deanučážádaga Guolástanhálddahus boahtá joatkit sin barggu eiseválddiid ektui. Stuoradikki dárkkistanlávdegoddi lea ožžon váidaga soahpamuša ektui. Pedersen lea ožžon dieđu ahte leat sádden dan viidásit Stuoradikki juridihkalaš ossodahkii gos juste ovdalaš geasi álge bargat dainna. Čakčat jotket fas bargguin.
– Sii galget gávnnahit leat go eiseválddit rihkkon Deanulága dán šiehtadusa hábmemis. Ja dan dat leat, go báikkálaš olbmot biddjojedje olggos lanjas váldo šiehtadallamiin, lohká Pedersen.
– Lea váidalahtti go šaddá mannát diggái ovdal go ášši čielgá. Muhto dás leat vuoigatvuođat rihkkojuvvon, ja dikkis ferte čielggadit go politihkkarat eai mieđa, lohká Pedersen.
