Guovdageainnu suohkanstivra válde vuhtii váidaga ja rievdadedje iežaset mearrádusa, ja nu addet dárjudanlobi buolliiviidnái Maras Pub olgobáikkis.
Guovdageainnu suohkanstivra válde vuhtii váidaga ja rievdadedje iežaset mearrádusa, ja nu addet dárjudanlobi buolliiviidnái Maras Pub olgobáikkis.
Mannan suohkanstivrračoahkkimis meannudedje Maras Pub buollinviinni dárjunlobi 20 jagi boares njuolggadusa vuođul, mas čuožžu ahte olgobáikkiin ii beasa viinni vuovdit ovdal go sis lea vuolavuovdinlohpi leamaš guokte jagi váttisvuođaid haga.
Váiddi mearrádusa
Aleksandar Nanchev Maras pubbas dahje «VIS1914» mii lea su fitnodaga namma, váiddi suohkanstivrra mearrádusa, go oaivvildii ahte suohkan vealaha sin gilvaleaddji fitnodagaid ektui.
Ovttajienalaš mearrádus
Ikte meannudedje Guovdageainnu suohkanstivra Maras Pubba ášši váidaga, ja mearridedje ahte «VIS1914» Aleksandar Nanchev bokte oažžu suohkana njuolggadusaid vuođul dárjunlobi buolliviidnái Marrasis ja maiddái ráddjejuvvon terássas ja borgguhansajis mearrádusdáhtona rájes gitta geassemánu 30.beaivai jagi 2020 rádjai.
Fálaldat ii viiddo
Suohkana mearrádusas daddjo ahte Alfred Larsenis leat otne buot dát lobit maid ođđa fitnodat ohca, ja suohkan lea árvvoštallan ahte ohcojuvvon lohpi ii leat viiddideapmi, muhto baicca unnida fálaldaga go guoská dušše pubbii, iige bajit geardái visttis. Aleksandar Nanchev dohkkehuvvo dárjudanjođiheaddjin ja Ivan Angelov su sadjásažžan.
Gilvaleaddji fitnodagat maid dorjot ahte Maras oažžu buot lobiid, go sihke Thon hoteallas ja Villmarksenteris leat sullásaš lobit.
