-Almmuhus-
-Almmuhus-
OĐĐASAT Adde 19-Sállanii roasso­doarjaga

Adde 19-Sállanii roasso­doarjaga

-

-

Romssa ja Finnmárkku Fylkkamánni lea juolludan orohat 19 Sállanii liigedoarjaga roassogearggusvuhtii ovddidit elliidčálgui eastadan dihtii stuorra vahágiid Sállanii. 

Romssa ja Finnmárkku Fylkkamánni lea gulahallan Biebmobearráigeahčuin go lea vuorjašuvvan mo manná bohccuiguin Sállanis ja go oaivvildit ahte galggašii  bidjat johtui doaimmaid eastadit boazomassimiid, čállet preassadieđáhusas. 

Ášši duogáš lea go boazodoallit eai geargan suvdinfatnasa mielde ealuin dan dáhtonii go lei biddjon sidjiide fanassáhttu nannámii. Čuožžilii gažaldat movt galget beassat gáddái, eret geasseorohagas Sállan sullos Oarje-Finnmárkkus.  Boazodoallit ohce roassogearggusvuođafoanddas veahki.

– Dan dihtii leat mii juolludan liigedoarjaga fievrredit bohccuid buoret guohtumii ja biebmamii, lohká Romssa ja Finnmárkku Fylkkamánni boazodoallodirektevra Sunna Marie Pentha. 

2019/2020 boazodoallošiehtadeamis lea biddjon guokte miljovnna roassogearggusvuođafondii. 

- Advertisement -
-Almmuhus-