-Almmuhus-
KULTUVRA Addán miljovnna ruvnno sámi artisttaide 

Addán miljovnna ruvnno sámi artisttaide 

-

-

Sámediggeráđđi juolluda 1 385 000 ruvnno dán čavčča luohte- ja sámi musihkkaalmmuheapmái. 

11  prošeavtta ožžot doarjaga Sámediggeráđis, ja ohcamat ovddastit juohkelágán, gelddolaš sámi musihka.

– Muhtun prošeavttain manná luohti dego rukses árpu čađa prošeavtta. Dat lea mielddisbuktán buori sámi musihkkajagi mas lea geavaheaddjeláđis ja geasuheaddji musihkka buori kvalitehtas. Dat čájeha ahte sámi musihkka lea ain ovdáneame, ja ahte lea stuora beroštupmi sihke árbevirolaš luohtái ja ođđa musihkkii, čállá Sámediggiráđđi preassadieđáhusastis.

– Lassin árbevirolaš luohtealmmuhemiide, de sámi musihkkarat ovdanbuktet musihka mii geasuha olu olbmuid. Ortnet sáhttá leat buorren vuolggasadjin sámi artisttaid vejolašvuhtii olahit eanet guldaleddjiid, dadjá sámediggeráđđi Henrik Olsen.

Ortnet lea bivnnut 

Juolludusaid mihttomearri lea ovddidit buori sámi musihka maid oallugat olahit.

Luđiid ja sámi musihka almmuhemiid ohcanvuđot ortnet lea bivnnut, ja Sámediggi vásiha stuora beroštumi.

Earret eará lea dovddus KEIINO-joavkku vuosttaš skearru ožžon doarjaga.

Skearru lea globála musihkkaprošeakta, mas lassin iežas musihkkakomposišuvnnaide maiddái almmuhit lávlagiid maid eará álgoálbmotartisttat leat čállán.

Saha Records AS oažžu dán háve juolludemiid guovtti skearroalmmuheapmái, nubbi lea ásahuvvon joavku ja nubbi fas almmuha iežas vuosttaš luohtealmmuheami.

– Nubbi, Felgen orkester, čuojaha popluođi buori kvalitehtas, ja nubbi fas lea Gisle Soleng vuosttaš luohteskearru. Nuorra juoigis, Solengas, gii ii leat vel sajáiduvvan, lea buorre ja vuogas jietna maid mii áiggi mielde beassat gullat olu, loahpaha sámediggeráđđi Henrik Olsen.

Dát luohte- ja sámi musihkkaprošeavttat leat ožžon dán jagi juolludemiid: 

· Johan Sara JR-Stierdná, Guovdageaidnu . «Ambient Yoik».  Oažžu 140 000 ruvnnu. · Saha Records AS, Kárášjohka. Saha Records AS. Felgen Orkester ja Gisle Soleng . Ožžot 140 000 ruvnnu x2.

· Mienna Music Tromsø. Oažžu  40 000 ruvnno

· Kauto Music AS, Guovdageaidnu. Almmuha ođđa, árbevirolaš luohteskearru Jan Ole Hermanseniin. Oažžu 140 000 ruvnnu.

· Stein Austrud, Mandal. Almmuha skearru Lulli-Sámi artisttain Sara Ajnnakain. Oažžo 115 000 ruvnno

· Audioland AS, Áltá. Kim Hallgeir «Halgon» almmuha «Doko» mii lea sámi árbevirolaš luohti. Oažžu 140 000 ruvnnu

· Quake AS, Porsáŋgu. Almmuha ođđa dáža-sámi hiphop musihka ovttas «Eksosgjengen» joavkkuin. «Eksosgjengen» leaba  John Egil Utsi ja  Rolf Amundsen. Oažžuba 140 000 ruvnnu

· MHM AS, Oslo. «Ilmmis»  lea komponistta ja musihkkára Mette Henriette nubbi skearru. Oažžu 110 000 ruvnnu. 

· KEIINO AS, Guovdageaidnu. «Thousand Heroes». Oažžu 140 000 ruvnnu,

· Heartic Production AS, Áltá. «Arrythmia». Oažžu 140 000 ruvnnu .

- Advertisement -
-Almmuhus-