Dan oktavuođas go Norgga bivdo- ja guolástansearvi (NJFF) ávvuda 150 jagi, de lea Stáhtavuovdi addán 50 gehppes aluminiumsfatnasiid ávvudanskeaŋkan.
– Stáhtavuovdi lea árvvas, ja lea ge hui ávkkálaš skeaŋka mii boahtá olusiidda buorrin, dadjá NJFF jođiheaddji Knut Arne Gjems.
Fatnasat galget biddjot jávrriide ja mearaide miehtá Norgga. Ovdalaččas leat searvvis badjel 150 fatnasa miehtá riikka maid miellahtut sáhttet geavahit, ja Stáhtavuovddi skeaŋkkain bohtet leat badjel 200 fatnasa olámuttos nuvttá.
– Fatnasat leat buori oaggunbáikkiin ja geavahuvvojit olu. Oažžut olu dávistemiid duhtavaš miellahtuin miehtá riikka, dadjá Gjems.
