Ráđđehus addá lobi lasihit buvttadandoaimmaid ovcci biebmoluossaguovllus Norggas.
– Guolásteapmi lea dehálaš ealáhus Norgii. Dat addá alla árvolassáneami ja bargosajiid Norgga boaittobealbáikkiide. Mii fuolahit ahte lea ain lassáneapmi ealáhusas, seammás go mii váldit luossanáli duođalaččat, dadjá guolástus- ja mearrabiebmoministtar Geir-Inge Sivertsen, ráđđehusa preassadieđáhusas.
Dá lea dat guovllut gos vurdet lassáneami
Ruoŧarájás Jærenii (1), Ryfylka (2), Nordmøre ja Lulli- Trøndelága (6), Davvi-Trøndelágas Bindalii (7), Helgelánddas Bådåddjui (8), Vestasjiegge ja Viestterálas (9), Sálliris Láhppái (11), Oarje-Finnmárku (12), Nuorta-Finnmárku (13).
Guokte guovllu fertejit geahpedit
Biebmoluosaid buvttadeami ferte geahpeduvvot 6 proseanttain Nordhordalanddas Stadas ja Stadas Hustadvikii.
– Mii fertet vuosttaš geardde geahpedit buvttadankapasitehta dain guovlluin vai luossanálli oažžu buoret dili, dadjá dálkkádat- ja birasministtar Sveinung Rotevatn preassadieđáhusas. Buvttadeami kapasitehta doalahuvvo guovlluin Karmøyas Sotrai ja Ánddasullos Sážžái, muhto eará ovcci biebmoluosa, biebmodápmoha ja biebmogirjeluosa guollebiebmanguovlluin sáhttá kapasitehta lassánit 6 proseanttain.