Ada Molne Kjøllesdal oaččui gieskat iežas advokáhttaduođaštusa, ja beassá dál doaimmahit advokáhttadoaimmaid iežas namas.
Ada Molne Kjøllesdal oaččui gieskat iežas advokáhttaduođaštusa, ja beassá dál doaimmahit advokáhttadoaimmaid iežas namas.
Go lea beassan fylkkaadvokáhttan, de mearkkaša ahte Ada Molne Kjøllesdal (29) beassá iežas namas doaimmahit advokáhttadoaimmaid. Go lei advokáhttaválddálaš, de šattai doaimmahit doaimmas iežas álgovurrosačča Øystein Ruud namas. Dan dieđiha Finnmárkku fylkkagielda preassadieđáhusas.
Bures váldon vuostá
Kjøllesdal muitala ahte ođas váldui bures vuostá Fylkadikkis ja hálddahusas.
– Lea stuora gudni munnje oažžut advokáhttalobi ja šaddat Finnmárkku fylkkagieldda fylkkaadvokáhttan. Dalle go fylkkaráđđeolmmái muitalii Fylkadiggái ahte lean ožžon advokáhttalobi, álge fylkadikkepolitihkkarat fáhkka speažžut gieđaid, ja ealáhushoavda ja politihkalaš čálli ges sihkasteigga soames gatnjala, lohká Kjøllesdal guhte lea hui giitevaš.
Dego fágareive
Álkit čilgejuvvon, de mearkkaša ahte go oažžu advokáhttalobi, ahte lea leamaš «oahpahalli» guokte jagi, ja deavdán muhtin gáibádusaid. Dasto oažžu «fágareivve» mii lea advokáhttalohpi.
