-Almmuhus-
SMÁVVAOĐĐASATAasland: – Eat leat goazadan Fovsen-Njaarke-ášši

Aasland: – Eat leat goazadan Fovsen-Njaarke-ášši

-

-

Fovsen-njaarke boazodoallit leat badjel jagi vuordán vástidádusaid gažaldagaide maid leat divvon, muhto oljo- ja energiijadepartemeanta biehttala goazadan ášši. 

– Dat ii leat nu ahte mii leat goazadan ášši, deattuhii Aasland go mánnodaga muitalii ášši birra Stuoradiggái. 

Son čujuhii dasa ahte departemeanttas leat leamaš máŋggat čoahkkimat boazodoaluin, Sámedikkiin ja earáiguin geaidda ášši guoská. 

– Ja dan oktavuođas lea ge dehálaš muitit ahte álbmotriekti addá boazodollui čielga prosessuála rivttiid konsultašuvnnaid ja váikkuhemiid bokte maid mii šaddat ja galgat čuovvut, dajai Aasland. 

Guorahallan áššebáhpiriid

VG lea guorahallan áššebáhpiriid gávdnandihte vástádusa dasa manne lea ádjánan nu guhká gávdnat čovdosiid maŋŋel go Norgga Alimusriekti celkkii, golggotmánus 2021:s ahte konsešuvnnat Roanis ja Storheias leat eahpegustojeaddji. 

Okta dain gažaldagain maidda boazodoallit vurdet vástádusa lea makkár lágalaš vuođuin bieggafápmobuvttadeapmi joatkahuvvá go lohpi ii leat gustojeaddji. 

– Go eai vástit makkár lágalaš vuođđu sis lea, de lea váttis luohttit prosessii, dadjá Sámediggepresideanta Silje Karine Muotka VG:i. 

Oljo- ja energiijadepartemeanta lea čađat čuoččuhan ahte plána lea dahkat ođđa mearrádusa mii vuhtiiváldá sámiid rivttiid. Muhto ráđđehus lea dan seammás doalahan mearrádusa ahte Alimusrievtti duopmu ii mearkkaš ahte turbiinnat galget njeidojuvvot. 

(©NTB)

-Almmuhus-