-Almmuhus-
-Almmuhus-
OĐĐASAT Olbmot vudjet biillain dávjjit dál go ovdal korona­leavvama

Olbmot vudjet biillain dávjjit dál go ovdal korona­leavvama

-

-

Juohke goalmmát olmmoš vuodjá biillain dávjjit koronaáigge vai garvet njoammunvára kollektiivajohtolagas, čájeha iskkadeapmi.

Iskkadeapmi maid YouGov lea čađahan Tryg buhtadusfitnodaga ovddas, čájeha ahte 34 proseanta dieđihit ahte sii vudjet biillain dávjjit go ovdal.

– Oallugat válljejit biillain vuodjit dál, vai garvet njoammunvára kollektiivajohtolagas, juoga maid eiseválddit maid ávžžuhit. Muhto leat goabbatlágan logut gávpogiin ja smávit báikkiin, dadjá Tryg buhtadusfitnodaga gulahallanráđđeaddi Torbjørn Brandeggen.

Stuorra gávpogiin dieđihuvvo ahte 40 proseanta vudjet dávjjibut biillain. Oslos lea lohku 50 proseanttas. Vuolimusas lea Romsa ja Finnmárku gos dušše 13 proseanta álbmogis dieđihit ahte sii vudjet dávjjit dál go ovdal.

(©NTB)

-Almmuhus-