-Almmuhus-
-Almmuhus-
OĐĐASAT Buhtadus­ortnet Guovda­geainnu fitno­dagaide

Buhtadus­ortnet Guovda­geainnu fitno­dagaide

-

-

Ortnegii lea juolluduvvon badjel 1.3 millijovnna ruvnno. 

Dál lea Guovdageainnu fitnodagain vejolašvuohta ohcat doarjaga buhtadusortnegis mii lea sidjiide geat leat gillán našuvnnalaš ja báikkálaš njoammunsuodjalusdoaibmabijuid geažil.

Guovdageainnu suohkan čállá iežaset neahttasiiddus ahte doarjja galgá doaibmat ventiilaortnegiin fitnodagaide mat lea gáhččan áibbas dahje belohahkii olggobeallai stáda ja suohkana buhtadusortnegiid. Dát galgá buhtadit báikkálaš fitnodagaid goluid dahje táhpaid mat bohte njoammunsuodjalusdoaibmabijuid dahje giddema geažil.

Dás leat earenoamážit namuhuvvon mátke-, doallo-  ja guossohanealáhusat, ja eará fitnodagat mat iešguđetlágan sivaid dihte gáhččet olggobeallai buhtadusortnegiid, omd. grundárat ja eará aitto álggahuvvon fitnodagaide.

Guovdageainnu suohkanii lea juolluduvvon oktiibuot ru. 1 361 381,- dán ortnegii.

-Almmuhus-