Dássážii eai leamaš nu olu koronanjoammumat go mannan jándora. Maŋŋebárgga registrerejedje 930 ođđa koronabuohcci.
Norggas registrerejedje 930 ođđa koronanjoammuma maŋŋebárgga ja dat lea 399 eanet go beaivvi ovdal.
133 koronabuohcci ledje maŋŋebárgga Norgga buohcceviesuin, koronapasieanttat lassánedje njeljiin olbmuin jándoris. Oktiibuot leat Norggas jápmán 452 olbmo koronavirusa geažil.
Gaskavahkku čuovganeapmái ledje oktiibuot 52 180 koronanjoammuma registrerejuvvon Norggas, čájehit njoammudávddaid nationála dieđihanvuogádaga MSIS gaskaboddosaš logut, ja dássážii leat čađahuvvon 2,8 miljovnna koronaiskosa Norggas. (©NTB)
