-Almmuhus-
SMÁVVAOĐĐASAT900:s leat ohcan Sáme­dikki jienastus­lohkui

900:s leat ohcan Sáme­dikki jienastus­lohkui

-

-

Sámediggi vásiha ahte ohcamušat jienastuslohkui leat lassánan sakka maŋimuš áigge. Dievasčoahkkinjođiheaddji jáhkká ahte Fovsen-miellačájeheamit leat áŋgiruššan olbmuid dieđihit iežaset jienastuslohkui. 

Sámediggi lea ožžon birrasii 900 ohcamuša jienastuslohkui ođđajagemánu rájes dássážii. 

– Dábálaččat bohtet moadde ohcamuša beaivái. Maŋŋel Fovsen-ášši leat ožžon birrasii 20 ohcamuša beaivái. Nu ahte ohcamušat leat lassánan sakka, lohká Sámedikki dievasčoahkkinjođiheaddji Tom Sottinen Altinget aviisii

Dievasčoahkkinjođiheaddji jáhkká Fovsen-ášši dagahan ahte olbmuin lea badjánan beroštupmi sámi demokratiijai. 

– Mii vásihit ahte olbmot leat diđolaččabut maŋŋel go Fovsen-ášši beaggigođii, lohká son. 

Norgga Alimusriekti celkkii 2021:s ahte bieggaturbiinnat mat leat ceggejuvvon Fovsen Njaarkii rihkkot sápmelaččaid vuoigatvuođaid. Ráđđehus ii leat vel čuovvolan duomu ja danin bohciidedje stuora miellačájeheamit oaivegávpogis moatti vahkku áigi. 

Buot Norgga sápmelaččain, geat leat badjel 18 jagi dahje devdet 18 jagi válgajagi, lea vuoigatvuođa registreret iežaset Sámedikki jienastuslohkui. 

(©NTB)

-Almmuhus-