-Almmuhus-
-Almmuhus-
-Almmuhus-
SMÁVVAOĐĐASAT90 korona­iskosa váldon Guovda­geainnus

90 korona­iskosa váldon Guovda­geainnus

-

-

Guovdageainnus maid váldet duođas korona njoammudávdda mii dál leavvá miehtá Finnmárkku.

Guovdageainnu suohkan dieđihit iežaset ruovttusiiddus ahte olles 90 olbmo leat mannan vahkus leamaš válddiheame koronaiskosa Guovdageainnu dearvvašvuođaguovddážis. Buot 90 iskosa ledje negatiiva, mii mearkkaša ahte sis ii lean ovttasge korona. 

Sii ávžžuhit Guovdageainnu ássiid iežaset ruovttusiiddus, ja čállet ná: 

«Leat go don lagasoktavuohta dahje leat go leamaš báikkiin gos dávda leavvá, de bivdit du iskosa váldit sullii 5 beaivve maŋŋel oktavuođa/ruoktot boahtima dahje jus oaččut dávdamearkkaid.»

Jus leat čálihuvvon olggos Hámmerfeastta buohcciviesus maŋŋel miessemánu 18. beaivvi 2021 de bivdit suohkana bealis du váldit oktavuođa dearvvašvuođaguovddážiin šiehtadit áiggi váldit koronaiskosa.

Loahpas vel ráva ássiide vai ii leava dat njoammudávda Guovdageidnui:

«Guovdageainnu suohkan ávžžuha ássiid bissut ruovttus ja ráddjet sosiála oktavuođaid. Guovdageainnu suohkan rávve garvit mátkkošteame suohkana olggobeallái. Jus fertet vuolgit suohkana olggobeallái: ane njálbmesuoji ja basa/sprihte gieđaid.»

-Almmuhus-