-Almmuhus-
-Almmuhus-
OĐĐASAT 86 olbmo heavva­nedje diibmá

86 olbmo heavva­nedje diibmá

-

-

73 dievdoolbmo, 13 nissonolbmo ja njeallje máná heavvanedje diibmá Norggas.

– Vaikko dát lohku lea unnit go 2018:s , de leat aŋkke logut heavvaneami ektui beare alladat ain. Dan fertejit sihke eiseválddit ja servvodat váldit duođalažžan. Norgga skuvlamánáin lea heajut vuodjanmáhttu go min ránnjariikka mánáin, ja danne fertet mii bargat eanet dainna ahte oahpahit buohkaid vuodjat ja fuolahit ahte vuojadanbasseaŋŋain lea čáhci. Mii dárbbašit násjonála digaštallama movt unnidit daid loguid mat gusket heavvaneapmái, dadjá Tryg dáhkádusfitnodaga servvodatovddasvástideaddji Monica Rimestad preassadieđáhusas. 

Stuora oassi dievdoolbmot

Gádjunsearvvi 2019 heavvananstatistihkka čájeha ahte máŋggas sis geat heavvanedje ledje dievdoolbmot. Badjel bealli sis ledje 40-jahkásaččat dahje boarráseappot, ja máŋggas dáin gahčče gáttis dahje fatnasis čáhcái. 

Nordlánddas heavvanedje 11 olbmo diibmá. Finnmárkkus ja Romssas heavvanedje oktiibuot čieža olbmo 2019:s. 

- Advertisement -
-Almmuhus-