Fylkkadikki mearrádusa maŋŋel lea Romssa ja Finnmárkku juohkima bušeahtta bidjon 81,8 miljovnna ruvdnui.
– Dát lea realisttalaš bušeahtta vurdojuvvon olggosgoluide juohkima ektui, dadjá ekonomiija ja kultuvra fylkkaráđđi Ronald Wærnes (GB) preassadieđáhusas.
Fylkkaráđi jođiheaddji Kristin Torbergsen (Bb) lohká iežaset áigut ohcat oasi goluin oažžut gokčojuvvot.
– Dát galgá bidjat vuođu ohcamuššii maiddái olggosgollogokčamii Gieldda- ja guovludepartemeanttas gos oažžut mielde olggosgoluid maid birra diehtit dál. Seammás geahččalit maid čađahit juohkima mii ii šatta nu divrrasin, jos lea vejolaš, dadjá fylkkaráđđejođiheaddji Kristina Torbergsen (Bb).
Lea biddjon sierra bušeahttapoasta 13,57 miljovnna ruvnnus eahpesihkarvuhtii. Lea maid biddjon 3,9 miljovnna olgguldas veahkkái ja 4,1 miljovnna bargiid badjeláiggemávssuide.
(NTB)
