Vearrodieđáhusat leat almmuhuvvon. Birrasii 2,9 miljovnna norgalačča dáidet oažžut vearroruđaid ruovttoluotta ja 800.000 ges šaddet máksit bázahusvearu.
Sii geat leat máksán menddo olu vearu 2018:s, ožžot gaskamearálaččat 11.800 ruvnnu ruovttoluotta.
Sii geat šaddet máksit bázahusvearu, ges šaddet gaskamearálaččat máksit 25.900 ruvnnu, dieđiha Vearroetáhta.
Supmit leat gaskaboddosaččat. Vearrorehketdoallu čielgá easka go olbmot leat deavdán ja sádden sisa vearrodieđáhusaid.
Olbmot ožžot vearroruđaid dahje vearrorehkega geassemánus ja golggotmánus.
(©NTB)
