-Almmuhus-
-Almmuhus-
OĐĐASAT 80 olbmui njommon korona­dávda Hapa­randas

80 olbmui njommon korona­dávda Hapa­randas

-

-

Haparandas ja gielddain nuorta Norrbottenis lassána koronanjoammun. 

Regiovdna Norrbotten dieđiha ahte davimus guovlluin Ruoŧas, nuorta Norrbottenis lassána koronanjoammun. Dán guovllus lea eanet njoammun go gaskamearálaččat Ruoŧas.

Eanemus njoammun lea dál Haparandas, muhto dávda lassána maiddái Kalixas, Överkalixas ja Badje Durdnosis. Mannan vahkkoloahpa leat dieđihuvvon 166 ođđa njoammuma Norrbottenis. Measta bealli dain, 80, leat gávnnahuvvon Haparandas. Doppe duođaštuvvui mannan vahkus 46 olbmos dávda.

Norrbottena njoammuneastadandoavttir Anders Nystedt dadjá kommentáras P4 Norrbottenii ahte leat alla koronalogut Haparanda guovllus dál.

Regiovdna Norrbotten dieđiha ahte 51 olbmo leat dál divššus leana buohcceviesuin koronadávdda dihte. Dál leat maid guhtta olbmo intensiivadivššus davimus Ruoŧas.

Vahku koronalogut gielddas gildii Davimus Ruoŧas:

Davimus Ruoŧas leat 2. vahku dieđihuvvon 639 ođđa njoammuma. Ja dat lea lassáneapmi mannan vahku ektui go dalle ledje 544. Koronanjoammumat buot gielddain Norrbottenis. Ruođuid siste leat mannan vahku logut. 

Árjepluovves: 9 (2)  Árvvesjávrris: 2 (2), Bodenis: 64 (42)  Jielleváris: 36 (20), Haparandas: 80 (46)  Johkamohkis: 3 (7) Kalixas: 97 (49)  Gironis: 35 (54), Lulejus: 220 (244), Bájilis: 7 (9, Bihtámis: 50 (50)  Älvsbys: 3 (3), Överkalixas: 18 (7)  Badje Durdnosis: 15 (8)

-Almmuhus-