-Almmuhus-
-Almmuhus-
-Almmuhus-
OĐĐASAT77 skohter­láhtu leat ain rabas

77 skohter­láhtu leat ain rabas

-

-

Davvi-Romssas ja Finnmárkkus dollet 77 skohterláhtu guhkit rabasin, muhto Stáhtahálddašeaddji lea hilgon 64 ohcamuša go lea heajos muohta- ja jiekŋadilli ja boazodoalu dárbbu dihtii. 

Romssa ja Finnmárkku Stáhtahálddašeaddji dieđiha ođasreivves ahte oktiibuot ohce guhkidit 141 skohterláhtu rabasáiggi maŋŋá miessemánu njealját beaivvi.

Dábálaččat giddejuvvojit buot skohterláhtut Norggas miessemánu viđát beaivvi. Davvi-Romssas ja Finnmárkkus lea dasa lassin dábálaš mohtorjohtolatgielddus 05.05-30.06 áigodagas.

Stáhtahálddašeaddji sáhttá doallat skohterláhtuid rabasin guhkit áiggi. Dán jagi ii leat seamma olu muohta go diibmá. Stáhtahálddašeaddji lea árvvoštallan dán jagi ja dieđiha ahte eanaš láhtuid sáhttá doallat rabasin gitta miessemánu 10. beaivái.  Dás gávdná guđemuš skohterláhtut Davvi-Romssas ja Finnmárkku mat ain leat rabas.

-Almmuhus-