UiT Norgga Árktalaš Universitehta sihkkarastá gelbbolašvuođa Davvi-Norgii go juohke čihččet studeanta bisána guvlui maŋŋel go lea gárven oahpustis.
UiT Norgga Árktalaš Universitehta sihkkarastá gelbbolašvuođa Davvi-Norgii go juohke čihččet studeanta bisána guvlui maŋŋel go lea gárven oahpustis.
Odne almmuhii UiT Norgga Árktalaš Universitehta raportta mas leat jearahallan ovddeš studeanttaid bargoeallima birra.
70 proseantta studeanttain vástidit ahte ásset Davvi-Norggas ain maŋŋel go leat gárven oahpustis.
– 64 proseantta dáin ásse Davvi-Norggas ovdal go álge studeret, dat mearkkaša ahte oassi studeanttain geat bohtet dobbelis maiddái bisánit deike ja dat lea hirbmat illudahtti, lohká UiT oahpahusa prorektor Wenche Jacobsen.
Kantar TNS lea čađahan guorahallama universitehta ovddas ja lea jearahallan 2271 studeantta geat gárvejedje oahpuset gaskal 2013-2015.
