Stipeanda mii ii leat geavahuvvon, manná TV-akšuvdnii.
Finnmárkku fylkkadiggi juolluda 70 000 ruvnno dán jagáš TV-akšuvdnii.
– Fylkkadiggi addá juohke jagi ruvnno juohke ássi ovddas fylkkas daidda akšuvnnaide, muitala Finnmárkku fylkkagieldda gulahallanhoavda, Trond Magne Henriksen preassadieđáhusas.
Regulerejit bušeahta
Dát ruđat bohtet journalistastipeanddas mat eai leat geavahuvvon.
Formálalaččat áigu Fylkadiggi bušeahta reguleret dán vahkku čoahkkimis Čáhcesullos, ja de sáddejuvvojit ruđat Unicefii.