-Almmuhus-
OĐĐASAT7-jahkásaččaš nalle buvssaid ja dolle vulosoivviid

7-jahkásaččaš nalle buvssaid ja dolle vulosoivviid

-

-

Stuorát mánát galget 2.luohkálaš gánddas nallan buvssaid ja sisbuvssaid ovdal go dollejedje su vulosoivviid ja geđgejedje su. Dáhpáhus deaividii astoáiggefálaldagas muhtin Álttá skuvllas.

Maŋŋebárgga galget stuorát gánddat roavvát biinnidan 7-jahkásaš gándda maŋŋel skuvlaáigge.

Dáhpáhus deaividii vuovddis gos skuvlamánát lávejit stoahkat.

Gánda lei astoáiggefálaldagas muhtin Álttá skuvllas go dáhpáhus deaividii, čállá Altaposten.

 

Ii leat dohkálaš

Gándda áhčči muitala aviisii ahte skuvla čálii teakstadieđus ahte gándda ledje nuolahan ja doallan su vulos oivviid.

Skuvlla rektor ii mieđit dieđihan dáhpáhusa teakstadieđu bokte, muhto son duođašta máná bahča vásáhusa.

 – Maŋŋel skuvlla galget muhtin stuorát gánddat doallan máná vulos oivviid. Sii galget maiddái nuollan sus buvssaid. Gánddat eai gula astoáiggefálaldahkii. Lea áibbas dohkketmeahttun dáhpáhus, lohká rektor.

 

Ii galgga dáhpáhuvvat

Rektor čilge maiddái ahte sii áigot hállat buot gánddaiguin geat leamaš mielde givssideamen 7-jahkásačča.

Odne leamaš skuvlla hálddahusas čoahkkin váhnemiiguin ja bargiiguin geaidda ášši guoská. Álttá gielddahoavda Mads Stian Hansen lohká ahte dákkár dáhpáhusat eai galgga deaividit.

 – Min mielas ášši hui duođalaš, dadjá Hansen.

 

Ovdal dáhpáhuvvan

Maŋŋel go ášši beakkehii, de leat eará váhnemat váldán oktavuođa 7-jahkásaš áhčiin. Sii leat muitalan sullasaš dáhpáhusaid birra.

 – Dát galgá vissa máŋgii ovdal maid geavvan vuovddis mii lea skuvlla duohkán, dadjá son.

-Almmuhus-