-Almmuhus-
-Almmuhus-
OĐĐASAT 6,3 mil­jovnna ruvnno ealáhus­doaimmaide

6,3 mil­jovnna ruvnno ealáhus­doaimmaide

-

-

Romssa ja Finnmárkku fylkkaráđđi bidjá 6,3 miljovnna ruvnno ruhtadoarjjaortnegii ealáhusaid ovddidanprošeavttaide.  

Ruhtadoarjjaortnet galgá movttiidahttit buriid ovddidanprošeavttaide mat váikkuhit ođđajurddašeapmái ja nanu ealáhusovdáneapmái, árvohuksemii ja geasuheaddji báikegottiide. Dát lea okta dain osiin fylkkasuohkana nannensuorggis, mainna áigot láhčit buoret dili ealáhussii, álbmogii ja gussiide. 

Ruhtadoarjjaortnegiin sáhttet aktevrrat ovttasbargat, sihke báikkálaččat ja guvllolaččat, čoavdin dihte iešguđegelágan hástalusaid. 

Sihke ovttasbargi fitnodagat, organisašuvnnat, suohkanat, almmolaš aktevrrat ja eaktodáhtolaš organisašuvnnat mat barget ealáhusovdánemiin Romssas ja Finnmárkkus sáhttet ohcat dán ruhtadoarjaga fylkkasuohkanis, dieđiha Romssa ja Finnmárku fylkkagielda preassadieđáhusas. 

- Advertisement -
-Almmuhus-