Porsáŋggu gielda lea bidjan ođđa namaid luottaide. Danne ožžot badjelaš 600 viesu ođđa geaidnočujuhusa.
Dáid beivviid ožžot badjelaš 600 viessoeaiggáda ja fitnodateaiggáda reivve Porsáŋggu gielddas, gos muitaluvvo ahte ožžot ođđa geaidnočujuhusa. Gielddastivra lea njukčamánus mearridan ahte geaidnonamat galget ođasmahttot. Álgovuoru leat vuoruhan geaidnonamaid márkanbáikkis, ja ođđa čujuhusat leat doaimmas juovlamánu 10. beaivve rájes. Geaidnočujuhusprošeakta joatká boahttejagi. Galbbat eai ceggejuvvo dán jagi, muhto gielda pláne álggahit galbema boahtte jagi rájes, čállá Porsáŋggu gielda.
Dá leat ođđa geaidnočujuhusat:
Banakveien, Bjørkåsveien, Flyplassveien, Fossestrandveien, Gjøkenes, Hametniemi, Hambuktveien, Hirijavri, Ildskogveien, Klemetstadveien, Langmyr, Nordgårdveien, Patoniemi, Portveien, Repokoski ,Rådhusveien, Sennagressbakken, Skoganvarreveien, Skogende, Torgveien ja Østgårdveien
