-Almmuhus-
OĐĐASAT60 000 tonna juovladoavdnji

60 000 tonna juovladoavdnji

-

-

Juovlamánus gávppašuvvojit juovlačiŋat, juovlaborramuš ja juovlaskeaŋkkat hui olu. Mielddusin boahtá 60 000 tonna doavdnji ruoktut, merošta Grønt Punkt.

Olu doavnnjis lea geavahuvvon suodjalit buot maid gávppašat allabasiid, muhto go bargu lea dahkkon, de lea doapparsirren dehálaš, muitala resirkulerenfitnodaga Grønt Punkt Norge direktevra Jaana Røine preassadieđáhusas.

 

– Ráhkat doapparsirrenstašuvnna

Son evttoha olbmuid iežaset ráhkadit muhtinlágan doapparsirrenstašuvnna ovdal go  skeaŋkkaid rahpagohtet.

Dalle sáhttá skeaŋkabábir, báddi ja kartoŋga sirrejuvvot dan botta go skeaŋkkaid rahpet.

– Dalle lea eambo suohtas čohkkát muora bálddas, seammás go  johtileappot beassá čorget maŋŋelaš, muitala Røine ja ávžžuha:

– Divtte doavdnjedoapparsirrema leat du juovlaskeaŋkan birrasii dán jagi.

 

Sus maiddái leat evttohusat mo sáhttá unnidit doavdnjelána, ovdamearkka dihtii páhkket skeaŋkkaid olggožii man sáhttá resirkuleret, ja geavahit bátti ja ránesbáhpára.

– Eatnašiidda báhcá olu skeaŋkabábir go buot juovlaskeaŋkkat leat rahppon. Iskka gielddain gos orut mo galgat gieđahallat dán doabbara. Lea veaháš erohus báikkis báikái, čilge Røine.

(©NTB)

-Almmuhus-