Vássán jagis mákse norgalaččat oktiibuot 1,86 miljárdda háve koarttain. Dat lea 4,5 proseantta lassáneapmi 2016 rájes.
Vássán jagis mákse norgalaččat oktiibuot 1,86 miljárdda háve koarttain. Dat lea 4,5 proseantta lassáneapmi 2016 rájes.
Gávppašeapmi maid lassána, seammás go koartageavaheapmi lassána. Dat 1,86 miljárdda koartamáksima dagahit gávppašeami oktiibuot 627,7 miljárdda ruvnno ovddas. Dat lea maid lassáneapmi, 2,8 proseantta ovddit jagi rájes. Dan čájehit Nets ja BankAxept AS logut.
– Eai goasse leat norgalaččat gávppašan eambbo báŋkokoarttain go 2017:s, lohká BankAxept AS gulahallan ja márkanhoavda Frode Riis Andersen.
– Háliidit máksit ruđain mii lea
Go leat 1,86 miljárdda máksima koarttain leamaš olles diimmážis, de leat gaskamearálaččat 58,9 koartamáksima sekunddas ja vihtta miljovnna beaivvis.
Eanas oassi dain leat BankAxept bokte. 1,6 miljárdda.
– Go nu olusat mákset BankAxept bokte, čájeha ahte olbmot háliidit máksit dainna ruđain mii lea juo kontos, čállá Riis Andersen preassadieđáhusas.
Juovlamánu ledje measta 170,1 miljovnna koartamáksima beaivái. 1,4 proseantta eambbo go 2016:s. Jagi maŋemus mánu gávppašedje 62,9 miljárdda ruvnno ovddas, ja dat lea 1,6 proseantta lassáneapmi ovddit jagi juovlamánu ektui.
(©NTB)
