Lei 58-jahkásaš mohtorsihkkelvuoddji gii duššái E6 luottas Buktamoenis Málatvuomi suohkanis Romssas duorastaga eahket.
Lei 58-jahkásaš mohtorsihkkelvuoddji gii duššái E6 luottas Buktamoenis Málatvuomi suohkanis Romssas duorastaga eahket.
– Ledje máŋggas geat oidne lihkohisvuođa ja geat geahččaledje gádjut dievddu, ovdal go ambulánsa ollii báikái. Dievdu jámii go lei bahut roasmmohuvvan, muitala Romssa politiijaguovllu operašuvdnajođiheaddji Lars Meland NTBii.
Politiijat dieđihit bearjadaga ahte dievdu gii duššai lea 58-jahkásaš dievdu Finnsnesas eret.
Doavttir duođaštii
Nordlys dieđuid vuođul ii vuodjan mohtorsihkkelvuoddji alla leahtuin. Guokte eará mohtorsihkkelvuoddji bisáneigga ja álggiiga gádjut dievddu heakka.
– Soai barggaiga hirbmat bures, ja álggiiga veahkehit ovttatmanos. Ambulánsa ja buollinčáskadeaddjit ledje jođánit báikkis. Diibmobeali maŋŋelaš bođii helikopter, ja doavttir duođaštii ahte dievdu lei jápmán, dieđiha politiija lihkohisvuođabáikki jođiheaddji Arne Markus Svendsen Nordlys aviisii.
E6 luodda lei gitta maŋŋel go lihkohisvuohta dieđihuvvui diibmu 18.40.
(©NTB)
