Lea vuosttaš geardde guhkes áigái go Ruoŧas lea lohpi báhčit 75 gumppe liseansabivddus.
Ruoŧa luonddubearráigeahččandoaimmahat dieđiha ahte Ruoŧas leat 460 gumppe. Lea alimus lohku dan rájes go mihtidisgohte. Danin leat mearridan ahte 75 gumppe sáhttet báhččot dán jagi gumppebivddus.
Ruoŧas leat dássážii gumpebivddus báhččon 51 gumppe. Bivdu bistá guovvamánu 15. beaivái ja lea viđa leanas Ruoŧas.
WWF biras- ja luondduorganisašuvdna Ruoŧas lea čállán cealkámuša mas váidet gumppebivddu.
– Mii oaivvildit ahte Ruoŧas ii lea guhkilmas plána mot genehtalaš gumppenálli galgá nannejuvvot. Dasa lassin ii leat bivdu áidna čoavddus suddjen dihte elliid, nu go bohccuid ja sávzzaid. Ruoŧa ráđđehus dárbbaša buoret boraspireplána ja buoret plána suddjet eará ealliid, dadjá WWF organisašuvnna boraspiregieđahalli Benny Gäfvert preassadieđáhusa bakte.
