-Almmuhus-
OĐĐASAT5 miljovnna euro Eano­daga girdi­šilljui

5 miljovnna euro Eano­daga girdi­šilljui

-

-

Suoma ráđđehus juolluda dal 5 miljovnna euro Eanodaga girdišilljui. Dat lea oassi Suoma ráđđehusa  guovlluid ealáhus- ja guovllu ekonomiija juolludeamis. 

Eanodaga gieldda ovddidanhoavdda Hannu Autto mielas dat lea erenoamáš buorre ođas olles guvlui.

– Dat lea erenoamáš buorre, ii dušše Eanodahkii, muhto olles Duottar-Lappii ja Lappi turismii. Dat lea buorre go dehálaš johtolat oažžu doarjaga stáhtahálddahusas.

Divvot girdišilju

Dal galget divvut Eanodaga girdišilju ja juolludeapmi lea divodanruhta. Eanodaga girdišillju buktá 4,2 miljovnna euro guvlui jahkásaččat, čállá Yle Sápmi.

– Girdigieddi lea dehálaš guovllu ekonomiijai ja turismii, dadjá Eanodaga gieldda ovddidanhoavda Hannu Autto. 

-Almmuhus-