-Almmuhus-
-Almmuhus-
OĐĐASAT47 olbmui njommon korona Finnmárkkus

47 olbmui njommon korona Finnmárkkus

-

-

Korona njoammudávda lea leavvan viidát Finnmárkkus.

Maŋemus vahkuid lea korona njoammudávda leavvan viidát Finnmárkkus. Hámmárfeasttas lea dat báiki gos eanemus leat duođaštuvvon ožžon dan dávdda.

Dás oainnát movt dilli lea báikkiin Finnmárkkus gos lea duođaštuvvon korona njoammudávda.

Áltá: Bearjadaga ja lávvordaga duođaštuvvui vel guoktásii njommon korona. Nu dál leat 8 olbmo geain lea duođaštuvvon korona Álttá suohkanis.

Leavdnja: Ovtta nuoraidskuvlla bargis duođaštuvvui korona bearjadat eahket. Gieldda korona dáfus gulahallanolmmoš, Kjell Magne Rasmussen, duođašta ahte gielddas leat dál 7:s geain lea duođaštuvvon korona njoammudávda.

Hámmárfeasta: Sihke bearjadaga ja lávvordaga duođaštuvvui korona njoammudávda guovtti olbmui njommon. Nu Hammerfeastas leat dál 31 olbmui njommon korona.

Deatnu: Deanu gielddas leat 110 olbmo váldán koronaiskosa. Odne, sotnabeaivvi golggotmánu 25. beaivvi, dieđiha Deanu gielda ahte ii oktiige dain leat njommon korona. Lei ge Deanus badjánan ballu go okta Hámmárfeasta gullevaš olmmoš lei guossis gielddas, ja dan botta sus duođaštuvvui korona njoammudávda. Muhto dán rádjai ii oro njoammudan dat olmmoš oktiige dan dávdda.

Čáhcesuolu: Doppe lea ovtta olbmos duođaštuvvon korona njoammudávda. Gielddas vurdet dál bohtosa gos 20 olbmo leat válddihan koronaiskosa.

-Almmuhus-