-Almmuhus-
-Almmuhus-
SMÁVVAOĐĐASAT47 olbmo masse heakka johto­lagas 

47 olbmo masse heakka johto­lagas 

-

-

47 olbmo dušše johtolagas dán jagi golmma geassemánus. Diibmá seamma áigodagas dušše  29 olbmo. 

– Sii geat barget johtolatsihkarvuođain balle juo vássán geasi álggus, ahte eanet olbmot duššet johtolagas. Dađi bahábut eat leat nagodan eastadit daid menddo olu duođalaš lihkohisvuođaid vássán geasi. Duššan olbmuid gaskkas leat eanaš biilavuoddjit ja measta guovttis golmma rávisolbmos leat badjel 45-jahkásaččat, lohká Trygg Trafikk preassahoavda, Christoffer Solstad Steen preassadieđáhusas. 

Dán jagi leat 90 olbmo duššan johtolagas. Ovddit háve go nu olu olbmot dušše johtolagas, lei 2016:s. Dát duođalaš logut vuorjašuhttet Trygg Trafikk. Solstad Steen deattuha ahte dan váivves ovdáneami ferte geahččalit bissehit amas nu olbmot duššat johtolagas..

Politiija ja geaidnoeiseválddit leat mannan geasi lasihan dárkkistandoaimma ja Trygg Trafikk ávžžuha olbmuid várrugasat vuodjit. 

– Eanaš duođalaš lihkohisvuođaide leat olbmot ieža sivalaččat. Lea hirbmat surgat ahte olbmot jápmet go muhtimat vudjet menddo johtilit, juhkanvuođas dahje eai leat doarvái áicilat johtolagas. Juohkehaš mis ferte buoridit iežas johtolatdábiid vai buohkat sáhttet dorvvolaččat johtit johtolagas, lohká Solstad Steen. 

-Almmuhus-