Ráđđehus lea várren speallanruđaid kulturdoaimmaide 2019 ovddas, ja lea lasihan supmi 12 miljovnnain ruvnnuin.
2019 stádabušehttii biddjui 5 miljovnna ruvnno lassin Musihkkareaidoortnegii mas rahppojit eanet šáŋŋerat.
– Musihkkareaidoortnega nannen addá vejolašvuođa doaimmahit musihka, teáhtera ja eará kulturvugiid miehtá riikka go ásahuvvojit hárjehallanbáikkit ja buorit arenat gos ovdanbuktá musihka, lohká kultur- ja dásseárvoministtar Trine Skei Grande.
– Lea Kulturdieđáhusa Eaktodáhtolašdieđáhusa mihtuid konkretiseren mii veahkeha ahte eaktodáhtolaš kultureallimis ožžot buoret ja buoret lanjaid iežaset doaimmaide, lohká Skei Grande.
Máŋgačuođi hárjehallanbáikki, stuorajoavkku ja čuojahanjoavkku leat ožžon doarjaga hárjehallanrusttegiidda, ovdanbuktinrusttegiidda ja lávddiide miehtá riikka 2008 rájes go Musihkkareaidoortnet álggahuvvui.
Dasa lassin leat birrasii 170 musihkkaovttadaga, lassin doarjagii hukset ja ođasmahttit badjelaš 300 hárjehallanlanja miehtá riikka, čállá ráđđehus preassadieđáhusas man leat almmuhan.
