Politiijat Norrbottenis, Davvi Ruoŧas dieđihit ahte mánnodaga eahketbeaivvi geavai skuterlihkohisvuohta Riksgrensenis.
Vuosttaš diehtu lihkohisvuođa birra bođii 15:25 ja ambulánsahelikopter sáddejuvvui báikái, muhto albmá heagga ii lean gádjumis.
– 40-jahkásaš dievdu jámi skuterlihkohisvuođas, dieđihit Politiijat Norrbottenis.
Ii leat vel čielggaduvvon mot lihkohisvuohta dáhpáhuvai, muhto politiijat isket dál ášši. Oapmahaččat leat ožžon dieđu dáhpáhusa birra, čállet politiijat.