Guhkesbearjadaga lei skuhterlihkohisvuohta Gilivuonas, Davvesiidda gielddas, 40 jahkásaš dievdu roasmmehuvai.
Ášši lea ođastuvvon.
40 jahkásaš boazobargi roasmmehuvai go lei vuodjime skuhteriin Vikadalenis Gilivuonas.
– Doppe gos lihkohisvuohta geavai lei hui rumššas ja dievdu lei skuhterin fierran alážis vulos, muitala Finnmárkku politiijaguovllu operašuvdnajođiheaddji Eirik Pedersen.
– In dieđe man bahuid lea roasmmehuvvan, muhto dievdu sáddejuvvui helikoptera mielde Girkonjárgga buohccevissui, muitala Pedersen.
Oačču divššu UNN buohcceviesus
Dievdu lea sáddejuvvon UNN buohccevissui, ja dal oačču divššu doppe.
– Dievdu oačču divššu UNN buohcceviesus, dievdu lea stabiila ja ii leat nu bahuid roasmmehuvvan, muitala UNN buohcceviesu preassagulahallanolmmoš Per-Christian Johansen.