Mannan vahkkoloahpa duoguštedje politiijat Norrbottenis 40 gilo cannabis guovtti albmás geat leigga jođus togain Lulejui, Davvi-Ruoŧas.
Árvu cannabis mirkkus lea sullii 6-8 miljovnna ruvnna davvin. 18 ja 19 jahkásaš albmá guovttos Lulli-Ruoŧas leaba dál áššáskuhtton áššis go navdoba rihkkon narkotihkkalága.
– Eat lea goassege gávdnan Davvi-Ruoŧas ná olu narkotihka oktanaga, lea earenomáš ášši ja albmát leaba dál giddagasas go galgaba leat roavvasit rihkkon narkotihkkalága, čilge áššeguođđi Rickard Finnberg SVT Nyheterii Norrbotten.
