Eske almmuhuvvui 2016 reviderejuvvon stádabušeahtta, mas boahtá ovdan ahte Tråante 2017 ávvudeapmái juolluduvvo 4 miljovnna ruvdnosaš doarjja.
Eske almmuhuvvui 2016 reviderejuvvon stádabušeahtta, mas boahtá ovdan ahte Tråante 2017 ávvudeapmái juolluduvvo 4 miljovnna ruvdnosaš doarjja.
Guovvamánu 6. beaivvi 2017:s lea 100 jagi vássán dan rájes go vuosttaš sámi riikkačoahkkin lágiduvvui Troandimis. Tråante 2017 lea nationála ávvudeapmi ja demokráhtalaš árvvuid oktasaš ávvudeapmi.
– Ráđđehus háliida juolludit 4 miljovnna kruvnnu ávvudeapmái reviderejuvvon nationálabušeahta bokte, čállá ráđđehus preassadieđáhusastis.
Gaskkusta sámi kultuvrra
Troandin gielda, Lulli-Trøndelága fylkkasuohkan ja Sámediggi leat ovttas soahpan čalmmustahttit dán dehálaš dáhpáhusa ávvudemiin Troandimis guovvamánu 6.b. 2017. Olles 2017 lágiduvvojit ávvudandoalut miehtá Sámi. Prográmma čalmmustahttá ja gaskkusta sámi kultuvrra, giela, ealáhusaid ja historjjá 100-jagi perspektiivvas.
.
