-Almmuhus-
OĐĐASAT39 proseantta ovdagihtii jienastan

39 proseantta ovdagihtii jienastan

-

-

Guovdageainnus leat badjel 600 olbmo ovdagihtii jienastan suohkanválggaide, ja dat lea ođđa olahus.

Jus buohtastahttá suohkanválgga 2011 loguid ektui, go 1534 jienastedje, de leat dán jagáš válggas ovdagihtii jienastan juo 39,1 proseantta jienasteddjiin.

 

*/

Stuora lohku

Guovdageainnu suohkana válgastivrra jođiheaddji ja Guovdageainnu sátnejođiheaddji Klemet Erland Hætta (Sámeálbmot Listu) muitala ahte leat badjel 600 ovdagihtii jienastan mii lea ođđa olahus.

 – Dat leat oalle ollu go geahččá ollu jienasteaddjit mis leat. Mis leat 2348 jienasteaddji, ja leat juo 600 dain jienastan, ja ikte leat maid máŋgačuođi, nu ahte álgá olle stuora lohku gártat, lohká son.

 

Johttisápmelaččaid listtu jođiheaddji Anders S. Buljo. Govven: Ovlla Gaup

*/

Min ektui buorre

Johttisápmelaččaid listu oaččui eanemus ovdagihtii jienaid mannan válggain. JL jođiheaddji Anders S. Buljo jáhkká alla logu maid čájehit ahte leat eambbosat geat jienastit.

– Min ektui goit lea buorre, ja mii leat bargan dan ala ahte oažžut vel eambbosiid min jienasteddjiin ovdagihtii jienastit, lohká son.

 

-Almmuhus-