– Lea váttis ipmirdit ahte muhtumat váldet dan risikka vuodjit biillain dáhkádusa haga. Sáhttá vaikko šaddat agibeaivái vealgešlávvan, dadjá Tryg Forsikring jođiheaddji, Espen Opedal.
Njukčamánu 1. beaivvi rájes ásahedje eiseválddit beaivesáhkuid buohkaide geain ii leat láhkageatnegahtton dáhkádus iežaset fievrruin. Dál čájehit varas logut ahte leat 39 000 biilavuoddji geat ain vudjet dáhkádusa haga.
– Lea váttis ipmirdit ahte muhtumat váldet dan risikka vuodjit biillain dáhkádusa haga. Sáhttá vaikko šaddat agibeaivái vealgešlávvan, dadjá Tryg Forsikring jođiheaddji, Espen Opedal preassadieđáhusas.
Buot fievrruin galgá lágalaš dáhkádus
Dán jagi ledje 111 000 fievrru Norggas main ii galgan láhkageatnegahtton dáhkádus. Jagi vuosttaš 11 mánu leat 65 proseantta fievrruin juogo šilttaid váldán eret dahje biddjon dáhkádussii, čájehit Trafikkforsikringforeningen logut.
– Mii Trygas leat diehttelas hui duhtavaččat go badjel 72 000 biilaeaiggáda leat juogo váldan eret šilttaid dahje bidjan fievrruid dáhkádussii. Mii vuordit vel eambbosiid čuovvolit, ja mihttu lea ahte buot fievrruin Norggas galgá lágalaš dáhkádus, dadjá Opedal.
Oastte dáhkádusa juovlaskeaŋkan
Logut čájehit ahte 1 proseantta buot fievrruin Norggas váilu dáhkádus, ovttamuttus Ruoŧain. Diibmá máksui 150 miljovnna ruvnno olbmuide geat gevve johtolatlihkohisvuođaide, ja fievrruin ii lean dáhkáhus.
– Dán rehkega han gokčat mun ja don ja buot earát geat mákset dáhkádusa. Buot biilavuoddjit, geain ain váilu dáhkáhus, ostet dáhkádusa alcceseaset juovlaskeaŋkan, dadjá Opedal.
*/
