Finnmark friluftråd olahii iežaset mihttu nagodit oažžut 3000 olbmo olggos tuvrii.
Skábmamánu 1. beaivvi nogai dán jagáš «perletur». 3005 olbmo vázze oktiibuot 38.656 registrerejuvvon tuvrra, čállá Finnmark friluftsråd preassadieđáhusas. Mihttu lei nagodit oažžut 3000 olbmo olggos tuvrii.
– Olu Finnmárkulaččat orrot fuobmán ahte «perletur» lea fiinna vuohki movt oahpásnuvvat iežas suohkaniin, ja ránnjá suohkaniin, dadjá Nord-Troms friluftsråd beaivválaš jođiheaddji, Hugo Tingvoll.
Ođđa mihttu boahtte jahkkái
Jođiheaddji lea eahpesihkar lea go vejolaš duppalastit logu boahtte jagi, mii šaddá goalmmát jahki go lágidit «perletur» vázzimiid.
– Vaikko duppalasttiimet oassálastiid diimmážis, de ii soaitte dat vejolaš fas boahtte jagi. 5000 olbmo soaitá veahá álkit olahit, dadjá Tingvoll.
