Maŋimuš jándoris leat 156 olbmos duođaštuvvon koronadávda. Oktiibuot lea Norgga dearvvašvuođabálvalus čađahan 3,5 miljovnna korona iskkadeami.
Maŋimuš jándoris leat 156 olbmuin registrerejuvvon koronadávda. Ovddit jándora ektui de lea lohku njiedjan. Dalle duođaštuvvui 269 eambbo olbmos korona.
Oktiibuot 66 392 olbmos leamas duođaštuvvon korona dan rájes go dávda hearjidišgođii Norggas masá jagi áigi. Dan čájehit logut man nationála njoammudávdda diehtovuogádat čohkke. Oktiibuot 592 olbmo koronadávddain leat jápmán njukčamánu rájes. 64 proseantta jápmán olbmuin ledje badjel 80 jagi boarrásat. Ovccis ledje vuollel 50 jagi. Jápme go sii covid-19 geažil lea váttis meroštallat.
Oktiibuot 3,5 miljovnna koronaiskosa lea čađahuvvon. Dál leat maid olles leahtuin boahkuheame olbmuid. Masá 222 duháha norgalačča leat ožžon vuosttaš boahkuheami. 66 duháha sis leat velá nuppes boahkuhuvvon.
76 olbmo ledje lávvardaga buohcciviesus koronadávdda geažil. Dát ge lohku lea njiedjan.
(©NTB)
