Stáhta Geaidnodoaimmahat doalai bearráigeahču 799 vuodjinskuvllas. 22 oahpaheaddji ožžo várrehusa, ja 31 oahpaheaddji masse rievtti doaimmahit vuodjinoahpaheami.
– Norga lea máilmmi buoremus johtalusdorvvuin, ja dárkilis oahpaheapmi vuodjimis lea okta dain ákkain manin. Mii beroštit ahte buohkat geat galget váldit vuodjinkoartta, ožžot dan buori oahpaheami maid sii gáibidit, dadjá Stáhta Geaidnodoaimmahaga ossodatdirektevra Monika Omholt preassadieđáhusas.
Jus vuodjinoahpaheaddji galgá massit rievtti, de ferte leat dárkilis duođaštus ahte lea čielga váilevašvuohta oahpaheamis. Omholt dadjá lea dehálaš doarvái buori oahpahusa lágidit sidjiide geat ožžot vuodjinkoartta.
Davvi-Norggas (Romsa, Finnmárku ja Nordlánda) ledje 69 bearráigeahčču vuodjinskuvllain. Njealjis sis masse rievtti joatkit oahpahemiin ja okta oaččui várrehusa.
(©NTB)
