Stuora beroštupmi oahpaheaddjeohppui sáhttá gáhttet sihke julev- ja máttasámegiela.
Davvi universitehta álggaha julev- ja máttasámegiel oahpaheaddjeoahpu čakčat.
Dasa lea stuora beroštupmi ja sáhttá dehálaš váikkuheapmi giellagáhttemii.
– Julev- ja máttasámegielat leat garrasit áitojuvvon gielat, čájehit UNESCO dieđut. Lihkus leat eanet mánát ja nuorat oahpahallagoahtán gielaid, muhto lea stuora dárbu oahpaheddjiide, dadjá Davvi universitehta vuosttašlektor, Asbjørn Kolberg.
Mearrideaddji
Oktiibuot 31 studeantta leat vuoruhan oahpu bajimužžii.
Dat illudahttá sámediggeáirasa Ellinor Marita Jåma.
– Dát duođašta dárbbu ja beroštumi ja lea mearrideaddji sihke mátta- ja julevsámegiela boahtteáigái, lohká son universitehta neahttasiidduide.
