-Almmuhus-
-Almmuhus-
OĐĐASAT 300 cavgileami verrošeami birra

300 cavgileami verrošeami birra

-

-

NAV lea ožžon 300 cavgileami fitnodagaid ja olbmuid birra geat sáhttet verrošan permitterenortnegiin.

Koronadávdda geažil šadde olu olbmot permitterejuvvot iežaset bargguin, ja de lei sis vejolašvuohta ohcat NAV:s ruđa. 

– Dat leat alla logut cavgileami ektui, ja dat mii lea nu earenomáš lea ahte eanas oassi dain loguin gusket fitnodagaide. Dat lea ođđa vásáhus midjiide, muitala NAV Kontroll direktevra Ole Johan Heir NRK:i. 

Koron dávdda geažil rievdadii ráđđehus máŋga permitterennjuolggadusa vai geahpida dan fáhkka heahtedili maid koronadoaibmabijut leat dagahan ekonomiijai ja bargomárkanii. 

Olles bálkááigodat permitterenáiggi lea viiddiduvvon 15 beaivvis 20 beaivái. Bargoaddi máksá dušše guokte beaivvi dain beivviin, dasto máksá stáhta. 

Heir muitala ahte 70 dain áššiin main NAV lei ožžon cavgileami, leat loahpahuvvon. Muhto jus NAV oaidná eará áššiin ahte leat verrošan, de gáibida NAV ruđa ruovttoluotta. 

– Mii sáhttit váidit politiijaide jus orrot roavvát verrošan, ja de manná ášši viidáset áššáskuhttineiseváldái ja duopmostullui, dadjá Heir. 

(©NTB)

- Advertisement -
-Almmuhus-