Skábmamánu loahpas ledje 30 olbmo duššan buollimis. Dain ledje 25 dievddu ja vihtta nissona.
Juovlamánnu lea dábálaččat mánnu goas leat eanemus buollimat, ja juovla- ja ođđajahkevahkkoloahpas buollá sullii 50 proseantta eambbo go reasta jagis. Masá bealli buollimiin álggahuvvo gievkkanuvnnas, ja Oslo lea fylka mas leat eanemus dakkár buollimat.
– Leat dávjá goikevuoššamat. Borramušráhkadeapmi lea dábáleamos sivva buollimiidda, ja juovllaid áigge ráhkadit olu borramuša ruovttus, dadjá Torbjørn Brandeggen Tryg Forsikringas.
