Vuosttaš sotnabeaivi adveanttas! Mii son otná luŋkká duohken lea?
Ovdalaš juovllaid soaitá oalle hušša eaige buohkat soaitte háhppehit návddašit dan magiija. Odne leat šurihan Raunain.
Namma: Rauna Saijets
Guovlu: Áŋŋel, Suoma bealde
Ahki: 28
1. Maid juovllat mearkkašit dutnje?
– Juovllat mearkkašit munnje dan, ahte beasan vuoiŋŋastit.
2. Mii addá dutnje dan ultimáhta juovladovddu?
– In gal hutkka dal dakkár ášši mii attášii munnje ultimáhta juovladovddu, muhto klementiinnaid hádja buktá juovllaid millii.
3. Buoremus juovlafilbma?
– Mánáid juovlafilmmat leat buoremusat.
4. Buoremus juovlabiebmu?
– Buoremus juovlabiebmu lea dakkár mas lea guolli.
5. Maid fertet juohke juovllaid bargat?
– Juovllaid áigge láven gođđit.
6. Gos dán jagi áiggut juovllaid ávvudit?
– Dán jagi áiggun ávvudit juovllaid Áŋŋelis.
