-Almmuhus-
OĐĐASAT3 584 000 ruvnno nuorra guolle­bivdiide

3 584 000 ruvnno nuorra guolle­bivdiide

-

-

Fylkkaráđđi juolluda viđa nuorra guollebivdái loana rekrutterenfoanddas.

Ledje vihtta ohcci foanddas dán vuoru, guovttes dain leigga nuorra nieiddat Ákŋoluovtta ja Čáhcesullo suohkaniin eret.

– Dat lea buorre sáhttit addit doarjaga láhčindihte dili guolásteapmai Finnmárkkus. Sáhttá leat baskkes šalbmi álgit, erenoamážit nuorra rávisolbmuide. Dá lea dehálaš ealáhus, ja lea somá oaidnit ahte eambbo nissonolbmot bohtet, muitala fylkkaráđijođiheaddji Kristina Torbergsen (Ap) preassadieđáhusas.

Fylkkaid nisson guollebivdiid juhkosiin leat stuora erohusat. Finnmárku lea sierralágan go 7 % ollesáiggeguollebivdiin ja 13 % oasseáiggeguollebivdiin leat nissonolbmot (logut 2021 rájes).

-Almmuhus-