Politiijaallaskuvllas njidjet ohcciidlogut, muhto ain leat 8,4 ohcci juohke oahpposadjái.
Oktiibuot leat 3 340 olbmo ohcan Politiijaallaskuvlii mas leat 400 oahpposaji. Dáid searvvis lea 2 453 ohcamušas politiijaoahppu bajimusas.
– Olles 73 proseanttas lea politiijaoahppu bajimusas. Diimmá ektui lassána dát lohku guđain proseanttain, lohká Politiijaallaskuvlla sisabeassan- ja rekrutterenossodaga jođiheaddji Ann-Lisbeth Framaas preassadieđáhusas.
Diibmá lassánedje Politiijaallaskuvllas ohccit 24 proseanttain, muhto dán jagi leat ohccit njiedjan 22 proseanttain. Dat mearkkaša ahte ohcciidlogut leat seamma dásis go 2020:s.
– Lea dábálaš ahte ohcciidlogut rievddadit jagis jahkái, ja obbalaččat gal leat Politiijaallaskuvllas duhtavaččat ohcciidberoštumiin. Vaikke ohcciidlohku lea njiedjan, de leat ain 8,4 ohcci juohke oahpposadjái. Dat mearkkaša ahte lea ain stuora gilvu beassat Politiijaallaskuvlii, lohká Framaas.
