Eanas báhtareaddjit, geat bohte Norgii Storskog bokte, eai beasa orrut Norggas.
Eanas báhtareaddjit, geat bohte Norgii Storskog bokte, eai beasa orrut Norggas.
Ovddit čavčča bohte oktiibuot 5 465 báhtareaddji Norgii Storskog bokte, Norgga ja Ruoššaráji badjel.
1 050 báhtareaddji besset orrut Norggas.
Logut maid ABC Nyheter lea ožžon Olgoriikkadirektoráhtas (UDI) čájehit ahte 3 120 báhtareaddji orrunohcamušat leat hilgojuvvon.
Báhtareaddjit dieđihuvvon jávkan
Báhtareaddjit bohte Ruošša čađa Norgii, ja measta 1 000 báhtareaddji sáddejuvvojedje fas Ruššii. Bealli sis geat báhce Norgii, leat dieđihuvvon jávkan.
2 128 dorvoohcci dan 4 551 dorvoohccis ledje dieđihuvvon jávkan. Dat boahtá ovdan reivves man Politiijaid olgoriikkaovttadat leat sádden Siviilaáittardeaddjái golggotmánu 28. beaivvi 2016:s.
Dan reivve lea ABC Nyheter beassan oaidnit. Oassi sis geat ledje dieđihuvvon jávkan, leat fas gávdnon.
– 1 220 dorvoohcci, geat bohte Norgii Storskog bokte, leat dieđihuvvon jávkan, cealká UDI. ©NTB
