Fáŋgaráidu lea dál historjá go dál leat 284 rabas giddagassaji Norgga ráŋggáštusásahusain.
Fáŋgaráidu lea dál historjá go dál leat 284 rabas giddagassaji Norgga ráŋggáštusásahusain.
Vaikko dál leat rabas giddagassajit Norggas, de lea ráđđehus guhkidan láigošiehtadusa Norgerhaven ráŋggáštusásahusain Vuolleriikkas gitta čakčamánu 2019 rádjái.
Ráŋggáštusásahus lea ossodat Ullersmo ráŋggáštanásahusas, mas lea alla sihkarvuohta ja leat 242 saji.
– Ii leat ulbmil ahte 100 proseantta sajiin galget geavahuvvot. Mii dárbbašat háldogiddagassajiid politiija ráđđejupmái, ja galgá leat vejolaš sirdit fáŋggaid go lea dárbu, muitala justiisa- ja gearggusvuođaministtar Per-Willy Amundsen (FRP) NRK:i.
Ovdal šadde guhkit vuordit
2015:s láigohišgohte ráŋggáštusásahusa.
Dalle ledje Norggas nu guhkes fáŋgaráiddut ahte sii geat čohkkájedje rájusgiddagas šadde friddja biddjot vai lei sadji sidjiide geat ledje dubmejuvvon.
Maŋŋel go láigošiehtadus álggii, de nohke fáŋgaráiddut ja dál leat 284 rabas giddagassaji Norgga ráŋggáštusásahusain.
Justiisadepartemeanta dieđiha ahte sullii 80 proseantta sis geat čohkkájit Norgerhaven giddagasas leat olgoriikka servodatmiellahttut.
(©NTB)
