Boazopolitiijat sáhkohedje ikte oktiibuot 27 skohtervuoddji Čoavddatmohkis.
Ikte veaigin leat boazopolitiijat dárkkistan skohter johtolaga Čoavddatmohkis. Oarje-Finnmárkku politiijaguovllu operašuvdnaguovddaža Asgeir Aule muitala boazopolitiijat dárkkistedje oktiibuot 60 skohtera.
– Okta olmmoš váidojuvvui go vujii lobihemiid olggobeale láhtu, nubbi ges váidojuvvui go ii lean vuodjinkoarta ja goalmmát, gii lei vuolleahkásaš váidojuvvui go vujii beare stuora skohteriin mii lea lohpi, muitala son.
Aule čilge viidáseappot ahte dasa lassin čálle boazopolitiijat čieža álkiduvvon sáhku váilevaš šiltageavaheamis, 13 sáhku go eai lean jealmmat oaivvis, golbma sáhku go ii lean vovdnakoarta ja okta sáhkohalai go ii lean vuodjinkoarta fárus.
Darváneigga skohteriin
Ikte Hálkkaváris Porsáŋggus lei ges okta náittospárra darvánan skohteriin. Soai beasaiga váccii ovtta bartii láhkosis. Soai oaččuiga veahki rukses ruossas oažžot luovos skohtera. Dan dieđiha Oarje Finnmárkku politiijaguovlu Twitteris.
