– Maŋemus áiggiid lea leamaš ollu sáhka servvodagas vuhtii váldit nubbi nuppis, muhto dađi bahábut mii eat oainne dan seamma johtolagas, dadjá Trygg Trafikk fágahoavda Tori Grytli.
Oktiibuot leat 27 olbmo duššan johtolagas maŋemus golmma mánus. Dat lohku lea alit go diibmá seamma áiggis.
Politiijat leat dávjá dárkkistan johtolaga geasset ja leat registreren lassáneami das ahte olbmot masset vuodjinkoartta alla leahtu geažil.
– Orru vuhttome ahte oallugat eai leat beroštan leahttorájiin, muhto baicca leat doapman ollet dohko gosa leat vuolgán. Lea hirpmahuhtti ja ahkit oaidnit Johtolatpolitiijaid loguid. Logut čájehit ahte mii fertet bargat vel eambbo dasa ahte biilavuoddjit šaddet dihtomielalažžan das makkár ovddasvástádus sis lea. Statistihkka čájeha ahte biilavuddjiid ja mohtorsihkkelvuddjiid jápminlohku lassána, dadjá Grytli.
